ديمو · وكالة عقارية، الجزائر العاصمة
رابط واحد فيه العقارات تاعك كامل
للبيع وللكراء، بالتصاور والفلاتر. تبعث الرابط ف عوض التصاور وحدة بوحدة، وطلبات الزيارة يوصلوك ف التطبيق.
نموذج تاع السيت الكامل
حلّ ديمو الوكالةللعيادات والوكالات العقارية، ف كل الولايات
سيت لعيادتك ولا لوكالتك، واجد ف 48 ساعة
المريض يطلب موعد، والزبون يطلب زيارة. الطلب يوصلك للتيليفون، وتشوفو كي تفرغ.
- 48 ساعة ماكسيموم، من بعد الفورميلار
- الخلاص بـ BaridiMob ولا CCP
- المحتوى والدومين الخاص يبقاو تاعك
هكا يكون السيت تاعك
جوج ديمو ف العاصمة: وكالة عقارية ومركز طبي. حلّهم من التيليفون، وجرّب كيما الزبون. السيت تاعك يجي هكا، بالاسم والمعلومات تاعك.
ديمو · مركز طبي، الجزائر العاصمة
المريض يختار النهار والساعة وحدو
يختار التخصص، النهار والساعة، والموعد يوصلك ف التطبيق، حتى ونتا مع مريض.
نموذج تاع السيت الكامل
حلّ ديمو العيادةواش يكون عندك
ف الجوج، يكون عندك السيت، وحساب ف التطبيق تاع Reacheva.
السيت
- باسم عيادتك ولا وكالتك.
- المرضى والزبائن يبعثولك الطلبات منو.
- عنوان كيما drkarim.yourweba.com، ولا دومين خاص بيك (اختياري).
الحساب ف التطبيق
- الطلبات توصلك للتيليفون، بنوتيفيكاسيون.
- للعيادات: المواعيد وأوقات الخدمة.
- للوكالات: العقارات وطلبات الزيارة.
- التبديلات الصغار تديرهم وحدك، باطل: الأوقات، العقارات، التصاور، النيمروات.
كيفاش نخدمو، ف 3 خطوات
ابعثلنا ف واتساب
قولّنا واش تخدم، وسقسينا على كلش قبل ما تقرر.
خلّص وعمّر الفورميلار
بـ BaridiMob ولا CCP، ومن بعد تعمّر الفورميلار بالمعلومات تاعك.
السيت تاعك يخدم ف 48 ساعة
ماكسيموم، من بعد ما تعمّر الفورميلار.
السومة
تختار واحد من الجوج. وواش تخلّص من بعد، مكتوب تحتهم.
سيت بصفحة وحدة
12 000 دج
مليون و200
- صفحة وحدة فيها المعلومات تاعك.
- «اطلب موعد» ولا «اطلب زيارة»: الطلب يوصلك ف التطبيق، ونتا تعيّط باش تأكد.
- حساب ف التطبيق تاع Reacheva.
- واجد ف 48 ساعة ماكسيموم، من بعد الفورميلار.
سيت كامل
22 000 دج
2 ملاين و200
- حتى 6 صفحات، بالفرنسية والعربية.
- للعيادات: الحجز بالساعة، المريض يختار الوقت وحدو.
- للوكالات: العقارات كامل، بالتصاور والفلاتر.
- حساب ف التطبيق تاع Reacheva.
- واجد ف 48 ساعة ماكسيموم، من بعد الفورميلار.
واش تخلّص من بعد
- التجديد
- 3 000 دج ف العام (300 ألف)، من العام التاني. فيه الاستضافة والتطبيق. إذا ما جدّدتش، السيت يتوقف نفس النهار اللي يخلاص فيه الأبونمو.
- دومين خاص (اختياري)
- 5 000 دج ف العام (500 ألف)، يتسجّل باسمك، كيما drkarim.com. بلا بيه، السيت يكون ف drkarim.yourweba.com.
- التبديلات الكبار
- من 2 000 دج (200 ألف)، على حساب التبديل. التبديلات الصغار باطل من التطبيق.
- الخلاص
- قبل ما نبداو الخدمة، بـ BaridiMob ولا CCP.
السيت تاعك يبقى تاعك
المحتوى، التصاور والدومين الخاص: هادو تاعك، ماشي تاعنا. الدومين يتسجّل باسمك.
إذا حبيت تروح، نعطيوك نسخة تخدم من السيت تاعك، باطل: ف ملف ZIP، ولا نحطوهولك ف بلاصة أخرى.
وف بلايص أخرى؟
سيت بصفحة وحدة:
ف بلايص أخرى
22 000 دج (2 ملاين و200)، و8 000 دج ف العام (800 ألف). بلا تطبيق.
عند Reacheva
12 000 دج (مليون و200)، و3 000 دج ف العام من العام التاني (300 ألف). والتطبيق داخل.
الدومين الخاص عندنا اختياري: 5 000 دج ف العام (500 ألف).
أسئلة
لشكون هاد الخدمة؟
للعيادات بكل أنواعها: الأطباء، أطباء السنان، المخابر، العلاج الطبيعي… وللوكالات العقارية، ف كل الولايات.
وقتاش يكون السيت واجد؟
ف 48 ساعة ماكسيموم، من بعد ما تعمّر الفورميلار.
كيفاش نخلّص؟
بـ BaridiMob ولا CCP، قبل ما نبداو الخدمة. قبل ما تخلّص، حلّ الجوج ديمو وسقسينا على كلش ف واتساب.
شحال نخلّص من بعد العام اللوّل؟
3 000 دج ف العام (300 ألف): فيه الاستضافة والتطبيق. إذا ما جدّدتش، السيت يتوقف نفس النهار اللي يخلاص فيه الأبونمو. والدومين الخاص، إذا اخترتو: 5 000 دج ف العام (500 ألف).
نقدر نبدّل حاجة ف السيت من بعد؟
إيه. التبديلات الصغار تديرهم وحدك من التطبيق، باطل: الأوقات، العقارات، التصاور، النيمروات. التبديلات الكبار تبدا من 2 000 دج (200 ألف)، على حساب التبديل.
لازم نتيليشارجي التطبيق من Play Store ولا App Store؟
لا. التطبيق تاع Reacheva يتحل كيما أي سيت، ف البراوزر تاع التيليفون.
السيت يكون بالعربية ولا بالفرنسية؟
السيت الكامل يكون بالفرنسية والعربية. والسيت بصفحة وحدة كيفكيف. الجوج ديمو نماذج تاع السيت الكامل.
شكون راكم؟
Reacheva وكالة جديدة ف الجزائر العاصمة، تخدم سيتات للعيادات والوكالات العقارية. باش تشوف الخدمة تاعنا، حلّ الجوج ديمو.
تقدرو تديرولي سيت من الزيرو؟
إيه، بديزاين خاص: 150 000 دج (15 مليون). على الطلب، وللشركات الكبار برك.